Q : Kwento mo naman kung paano ka nagsimula sa photography. Alih : Namulat ako sa mundo ng photography taong 2008, when my brother Pong introduced me to his friend na photographer. Nakwento niya kasi noon sa friend niya na Photoshop CS4 ang gamit ko sa computer ko na may processor na Pentium 3. Nagtaka siya, so ayun! Nagpunta sya sa bahay para makilala ko and since then inalok niya ako na magtrabaho as layout artist sa isang kilalang studio sa Malolos. Doon ako na-curious sa photography, as in talagang sa sobrang pagka-curious ko, 'pag may nakikita akong bago sa paningin ko about photography eh nagtatanong ako sa mga boss ko. Fast forward to 2012, when I got my first DSLR. Actually tatay ko ang may kagagawan ng pagkakaroon ko ng camera eh, haha! Kelangan ko daw kasi sa trabaho, so ayun! Kahit wala sa plano eh nagkaroon ako ng camera. Q : Anong pagkakaiba ng Alih Viaje the photographer noong 2013 sa Alih Viaje version 2015? A : Ay naaaaaapakalaki! Napakalaki ng itinaba ko! Hahaha! Seriously, sa tingin ko sa sarili ko? Wala naman eh, 'yung napaka daldal at napakakulit na Alih Viaje noon at ngayon eh parehas pa rin naman. Sa pagiging photographer naman, noong 2013, wala talaga akong alam sa pagma-market ng sarili ko, kasi unang-una, kaunti lang ang laman ng portfolio ko. Pangalawa, iilan-ilan lang ang nakakakilala sa akin na photographer ako. Ngayon, marami nang kakilala, medyo marami na ring nagtitiwala sa kakayahan ko when it comes to photography. Q : Anong pinakamahalagang natutunan mo sa mundo ng events photography? A : Enjoy what you're doing. Syempre nakakapagod sa mga events. Ako kasi kahit sinong tanungin na nakasama ko or nakakasama ko, they would tell you na, "Yang si Alih? Hyper palagi yan!" Hahaha. Pero 'yun ang totoo, kahit naman hindi sa events, basta na-e-enjoy mo 'yung ginagawa mo, balewala ang pagod. At syempre, love your clients. May nagturo saken noon na you have to love your clients in a way na ipakita mo na comfortable sila sayo. Q : Pareho mong pinasok ang photo at video. Hindi ka ba nahihirapan na mahati ang focus mo sa dalawang bagay? A : Hindi naman. Video talaga ang hilig ko ever since, I remember when I was in college, video shooting and editing na talaga lagi kong ginagawa sa mga group projects namin. Kung di ako nakukuhang videographer eh photographer ako kinukuha kaya hindi ako nahihirapan, hehe.
Q : 'Yung photo mo ng Barasoain na nanalo sa Forced Perspective, paki-kwento naman ang storya sa likod ng shot na 'yun. A : Noong i-announce na sa'min kung ano 'yung theme which is 'yun nga, Forced Perspective, nag-search agad ako sa Google kung ano ang pwede kong gawin na pang-entry. Then there was this dollar bill na nakita ko, sabi ko "Okay 'to, common siya pero pwede 'to." Naisip ko agad 'yung ten-peso bill. Nagtanong-tanong ako kung sino pa ang may naitatabing ganun, luckily meron akong nahiraman. Then nagpunta agad ako sa Barasoain Church para mag-shoot. Nahirapan din ako kasi wala akong dalang tripod that time. Naka-salampak lang sa parking kaya ang daming nakapansin ng maduming kuko ko, hahaha. Sorry! Q : Anong feeling nung nanalo ka at ang tindi ng naging response ng mga tao online? A : Laglag puso! Hahaha! First time ko maka-sungkit ng 1st place sa photo contest, tapos overwhelming talaga kasi maraming natuwa dun sa photo, some even shared it and some made it their cover photo sa Facebook. Ayun! Nakakatuwa talaga. Q : Ano pa ang gusto mong matutunan sa larangan ng photography? At ano pa ang gusto mong marating? A: Marami eh, as in napakadami ko pang gustong matutunan. Sa lawak ng photography, napakahirap din mamili pero sige meron akong isa, underwater photography! Gusto ko makilala hindi lang dito sa Bulacan. Syempre sino ba namang may ayaw nun 'di ba? Q : Alih Viaje 5 years from now…. anong meron? A : Meron na akong sariling kotse at shop! Haha! 5 years from now? Wala akong plano eh, basta enjoy lang ako sa ngayon. Q : Sa pagiging events photographer o videographer, sinong mga tinitingala mo? A : Sa photographers, sina Dee Gonzales, Jack Domingo syempre and Jezr'el San Juan na marami ding naituro sa akin. Sa mga videographers, si Jason Magbanua, Devin Graham and Freddie Wong. Q : Anong message mo para sa mga nagsisimula sa photography at sa mga nagbabalak na gawing profession ang photography? A : 'Wag kayong matakot magtanong sa may alam na. Tandaan n'yo guys, lahat nagsisimula sa walang alam. Don't just invest on gear, invest more on knowledge. Sa mga balak gawing profession naman, make sure na mahal n'yo ang photography, na-e-enjoy n'yo ang photography, otherwise kung hindi, hindi rin kayo tatagal. Q : Message para sa Focus followers, applicants o kung ano pa man. A : Sa mga fans ko, este sa mga followers pala ng Focus, thank you for your support. Thank you for stalking our group , hahaha, joke lang. Sa mga applicants, 'wag po kayo mahihiya na sumama sa amin, harmless po kami promise. Q : Final question : Bakit nga ba may "H" ang nickname mo? A : Sabi ng parents ko, common na daw kasi 'yung "Ali" kaya para maiba naman, nilagyan nila ng H. Weird ng parents ko. Hahaha. Q : Haha, okay. Final words? A : I would like to take this opportunity to thank the following... hahaha! First, my wife for being always there and very supportive sa mga ginagawa ko. No choice ka 'Mhie, kabit ko ang photography eh, haha! To my parents and brother na lagi din namang supportive sa akin, and sa Focus family ko na tumutulong sa akin na mag-improve at magpataba saken. Haha. Thank you guys, thank you Focus Bulacan! Oraaayt! More of Alih's favorite photos (click thumbnails to view in full) |
FOCUS Feature
Every month, we have a feature on our members, our photography idols, and other photography issues we feel deserve a heads-up. Archives
January 2021
Categories |